Stórir og smáir stavir

Meginreglan er, at sernavn, herundir staðarnavn, verður skrivað við stórum, t.d. Føroyar, Tórshavn, Atlantshavið, Skopunarfjørður, Dalavegur, Tróndargøta. Eisini stytt “nærnavn” verður skrivað við stórum, t.d. Stakkurin (= Tjørnuvíksstakkur), Nesið (= Tinganes).

Í staðarnavni við navnorði og eftirsettum lýsingarorði verður báði navnorð og lýsingarorð skrivað við stórum, t.d. Áin Svarta, Fjallið Mikla, Hellan Bláa, Hesturin Hái, Regnið Bølluta.

Í staðarnavni við navnorði og eftirsettari fyrisetingarheild verður navnorðið og stýringin skrivað við stórum, fyrisetingin við lítlum, t.d. Áin í Rættum, Brekkan á Fjøllum, Gjógvin á Skálanum, Støðulagið undir Hesti.