Starvsfólk

Hesi fara av húsum hvønn morgun fyri at smíða nýggj orð, áseta stavsetingarreglur, ritstjórna og ikki minst at skráseta og svara fyrispurningum um mál. Starvsfólkini halda til á Málstovuni, handan Á 5, 100 Tórshavn. 

Ráð og starvsnevnd

Starvsfólkini og starvsnevndin koma saman eina ferð um mánaðin at viðgera og samtykkja svar til málspurningar. Í starvsnevndini eru forkvinnan í Málráðnum og næstforkvinnan umframt tríggir nevndarlimir. Tað eru ráðslimirnir, sum velja starvsnevndina.

Ráðslimirnir eru valdir eftir tilmælum, og slagorðið hjá Málráðnum 'Øll eiga málið' sæst aftur her, tí hesi eru sett fyri at umboða allar Føroyar. Ráðslimirnir hava sæti í fýra ár, og skeiðið hjá teimum, sum sita í løtuni, er frá 1. juli 2021 til 30. juni 2025.