• Um Málráðið
    • Ráðslimir
    • Starvsnevnd
    • Starvsfólk
    • Arbeiðssetningur
    • Norðurlendskt samstarv
    • Ársfrágreiðingar
  • Málpolitikkur
    • Málmørk
    • Navnanevndin
    • Staðarnavnanevndin
  • Amboð
    • Orðalistar
    • Orðabøkur
    • Fólkanøvn
    • Stavsetingarreglur
  • máltænasta
    • Máltáttur
    • Málnevndarbrøv
    • Orðafar
    • Mangan spurt
  • Tíðindabræv
    • Áður send tíðindabrøv
  • Góðkend fólkanøvn
    • Góðkend konufólkanøvn
    • Góðkend mannfólkanøvn
    • Lóggáva

Inngangur


Her verður settur upp tann fólkanavnalistin - konufólkanøvn fyri seg og mannfólkanøvn fyri seg - sum navnanevndin evnaði sambært 15. grein í løgtingslóg um fólkanøvn, ið varð samtykt 3. juni 1992 og lýst 15. oktober sama ár.

Nøvnini standa øll í hvørfalli, og í ( ) verður sýnt, hvussu navnið bendist í hvønnfalli, hvørjumfalli og hvørsfalli. Framburður er vístur í [ ]. ' merkir herðing. / stendur ímillum loyvdar síðuformar.

Sambært 6. grein 3. stk. í lógini kann eftirnavn vera fornavn faðirs ella móður í hvørsfalli við -son ella -dóttir aftrat í samsvari við kyn barnsins. Tá ið stovnur í faðirsnavni endar við -s, kann verða valt ímillum navn við fyrra liði í hvørsfalli (-ar) ella ongari ending (-s í endanum á stovninum er tá at skilja sum hvørsfall), t.d. Magnusarson ella Magnusson, Tummasarson ella Tummasson, Niklasardóttir ella Niklasdóttir, Hanusardóttir ella Hanusdóttir o.s.fr. Styttru sniðini hava eldri hevd. Tey nøvn, ið merkt eru við * á navnalistanum, koma undir hesa reglu.

 

Vegleiðing um fornavn

 

Navnalistin er góðkendur navnalisti, sum øll, ið eru búsitandi í Føroyum, kunnu brúka.

 

Ynskir tú annað navn enn tey, ið eru á navnalistanum, ber til at søkja um loyvi. Tað eru tríggir hættir at søkja um loyvi.

 

1.   Tú kanst søkja um nýtt navn
      Treytirnar eru:

a)   At navnið av røttum er fornavn og ikki t.d. eitt millum- ella eftirnavn.
b)   At navnið ikki kann haldast at vera til ampa.
c)   At navnið er í samljóði við føroyskar málreglur.
 

2.   Tú kanst eisini søkja um uppkalling
      Treytirnar eru:

a)   At navnið í høvuðsheitum líkist navninum á tí, ið kallað verður upp eftir.
b)   At fyri hvørt navnið, ið givið verður, verður bara kallað upp eftir einum navni. T.v.s. at man kann ikki seta nøvn saman.
c)   At tann, ið verður uppkallaður, er annaðhvørt

         a)   Systkin hjá barninum

         b)   Foreldur, omma ella abbi, langomma ella langabbi

         c)   Systkin hjá foreldrum

         d)   Systkinabarn

         e)   Ella ommu- ella abbasystir, ommu- ella abbabeiggi.
 

3.   Tá annað ella bæði foreldrini hava útlendskan uppruna og ætla at nýta navn úr heimlandinum

Umsóknarbløð

  • docx
    Nýtt navn
    application/vnd.openxmlformats-officedocument.word
    15,51 KB
  • docx
    Uppkalling
    application/vnd.openxmlformats-officedocument.word
    15,87 KB
  • pdf
    Navnaloyvi
    application/pdf
    136,71 KB

Fólkanavnalistin PDF

  • pdf
    Fólkanøvn.pdf
    application/pdf
    255,48 KB

Beint nú telur listin 799 konufólkanøvn og 887 mannfólkanøvn

 Fyrispurningar og umsóknir skulu sendast navnanevndin@uvmr.fo

 

 

NAVNANEVNDIN
Telefon +298 89 80 90
Teldupostur: navnanevndin@uvmr.fo

 

Telefontíð er mikudagar kl. 16-18.

 

Fyrispurningar og umsóknir verða sendar til: navnanevndin@uvmr.fo

 

 

Málráðið
Handan Á 5
100 Tórshavn
Tlf. +298 312397
malrad@malrad.fo
© MÁLRÁÐIÐ. Øll rættindi ognað.
Forritað hevur Faroe Media