Dansk Sprognævn,
H.C. Andersens Boulevard 2,
DK-1553 København V
www.dsn.dk
Dansk Sprognævn er almennur granskingarstovnur undir tí danska Kulturministeriet. Dansk Sprognævn varð sett á stovn í 1955.
Dansk Sprognævn hevur tríggjar høvuðsuppgávur:
- at fylgja við málmenningini, t.d. við at skráseta nýggj orð
- at svara málsligum spurningum um danskt mál og danska málnýtslu
- at avgera donsku rættskrivingina og at ritstjórna og geva út almennu donsku rættskrivingarorðabókina, sambært retskrivningsloven
Stýrið er ovasta leiðsla í Dansk Sprognævn og hevur evstu ábyrgd av virkseminum. Granskingar- og kunningarstovnurin tekur sær av dagliga granskingar- og kunningararbeiðinum. Haraftrat er stovnurin avgreiðsluskrivstova fyri umboðsráðið og stýrið. Á Dansk Sprognævn starvast í løtuni 27 fólk.