Orðið valdstøka verður nú viðurkent, og Málstovan hevur lagt tað aftur at Nýggjorðalistanum á malrad.fo.Hugtøkini neyðtøka og valdstøka verða málsliga javnsett, og bæði verða við í Stavsetingarorðabókini, sum er í gerð.

Í beinleiðis útvarpssending fríggjamorgunin 4. desembur varð sóttarhald kosið ársins orð 2020. Gestirnir í útvarpsstovuni komu ásamt um orðið, eftir at trý onnur vóru umrødd: korona, frástøða og fjarundirvísing. Orðið sóttarhald stóð longu til reiðar í orðabókunum, tá koronufarsóttin kyknaði upp um ársskiftið, og nú má sigast, at talan er um eitt altjóða hugtak í føroyskum búna, sum eftir øllum at…